「山寨明星」以前不是自豪的事,因為永遠活在別人的影子,只會被形容為「口水藝人」,沾明星光、掙別人袋裏的錢。自從內地湖南衛視炮製節目《百變大咖秀》,讓藝人發揮扮嘢天分,王祖藍因該節目而在內地迅速走紅,隨之而來是商演應接不暇,老闆都想找他扮嘢笑一餐。《百變大咖秀》大受歡迎,令不少明星願意亮相該節目,發揮鮮為人知的扮嘢天分,影后葉童、視后胡杏兒、名模瞿穎、蕭正楠等都加入扮嘢行列,令人刮目相看。
大姐大雖然覺得節目好笑,但不期然想到20年前的《歡樂今宵》,盧海鵬、廖偉雄、吳麗珠、江欣燕等扮嗰樣似嗰樣,令人捧腹大笑。當時的化妝技術未如現在先進,全靠藝人天分。新一代之中,我們欣喜有王祖藍,就連內地演員都佩服他的扮嘢功力。扮嘢這條橋20年後的今天在內地又流行起來,足證香港製作人對內地影響深遠。